O QRTV ‘ekh Evropaki kulturalni thaj trajoske modoski televizija si, savi loš kerel le manušenge. La televizijaki missija hoj maj paša te anel jekhareste le differentne Evropake komuni hoj te žutisarel le Evropake manušikane hakajesko miškimata, aktiviston thaj civilni organizaciji vaš kasavo krujalipe kaj le nipura maj inkluzivni si thaj vaš kasavo avendipe so maj čačo thaj maj egalno si.

Sostar si QR ?

O QR si o QueeR* ’ skurtones so ame labaras/hasninas, sosa ande amare programura queer thaj LGBTQI manušen (pe kaver forumura naj but reprezentaciji pa kado grupo) ando fokuso śuvas, paša kado ame patjas, hoj pe QR tv-vo sakon žanel te rakhel peske kasavo programo so kamel thaj kasave programura save neve žanimata den.

O QR skurtones perdal pe kadal ’ekh kasave gruposko anav si, kas butivar resel diskriminacija. „Queer Roma” kodol žene si kon roma thaj andar LGBTQ komuna si. Vi ame andar kadi komuni sam vaj varesosko kontakto si lenca.

O QRTV ’ekh queer romani televizija si.

Amari resin, hoj kasavo platformo das kadale manušenge kaj dičinde žanen te aven, maj paše anas le romen thaj LGBTQ manušen. Andre sikavas kadale grupongo trajo/živipe thaj te žutisaras len kaj’ekh maj slobodno , štabilno trajo/živipe, thaj kasavo krujalipe kamas opre te cirdas savo žutisarel maj paše te anel le diferentni indentiti thaj kulturi vaš o majlašo avendipe. QR sar anav vi kamel te tradel i sama pe jekh garado alav; ”o QR Code”, so majpalal žutila e manušen te lel penge ekstra šajimata pa amare programura.

Amare programura teštosko/ truposko – duxosko sastipe thaj vegetariano thaj vegano** trajo/živipe promocijasa getosaras. Važno si ande amari butji sama las pe amaro krujalipe pe amari natura vaš kodo amara filozofijasa kado dikhipe zuraras, QRTV-esko servero ande 100% neva energijasa kerel butji. kade naj CO2. Patjivisaras kasave patjimata, kahngera save mujaren paša o kamipe, phralipe, thaj inkluzivnes dikhen i luma/ o sveto.

Kamipesa žukaras kodole organizaciji, bloggeron, aktiviston kon penga butjasa kamen te žutisaren amare resina vaj rangosaren QRTV-eski paleta.

Amare Partnerura:

Háttér Társaság – ungricko LMBTQI civilno organizacija

Radio Corel – njamcicko RomaTrial e.V civilna organizacijako medijako projekto.

„O Queer kasave manušen somnosarel kaski seksualno orientacija thaj džendereski identita naj štabilno. na numa duj rig si (heteroseksualno/homoseksualno vaj lezbiano, murš/žuvli). O Queer kaverfales ’ekh kidipeski alav si pe kasave manuša kon naj heteroseksualni thaj / vaj cisdžendereske. Paša kodo o Queer ’ekh politikalno tordjipe savo či kamel le dominantni heteronormativni štukturi thaj LGBTQ-eski miškipeski politika. O Queer kaj anglikanes vakeren sagda thaj ži adjes žungali alav si (sar „buzi” ungrikanes) ba i komuna avri kamel te pharuvel i negativno narrativa pe pozitivno. (Pisindas: Karsaj Dodó, Virág Tamás)” (Zvoro: Ungricko LGBT Federacija – Misto puśimata –LGBRQI cina godjavera medijake. Pisindas: Karsaj Dodó, Virág Tamás)

** „ Kon žal pala o veganizmo kade akharen len, hoj veganura” O veganizmo kodol žene si kon či xan kanči so andar le pedura/alatura si, ke lengi filozofija či imbisarel hoj andar kasave pedon/alaton keren prodoktumura kas si hatjarimata/hajuvimata, kade či kinen či xaben, či gada thaj higinijijake prodoktumura save andar pedura/alatura si.

Boldas o teksto: Diverse Youth Network

Age Verification

By clicking enter, I certify that I am over the age of 16 and will comply with the above statement.

Enter

Or

Exit
Always enjoy responsibily.